په کابل کې نن سهار په چاودنه کې لس تنه ووژل شول او ۴۲ زخمیان دي.
حمله نن د سپټمبر په پنځمه د مکروریانو پر سړک وشوه.
وسله والو طالبانو د حملې مسؤلیت اخیستی دی.
د کورنیو چارو وزارت ویاند نصرت رحیمي پر ټوېټر لیکلي چې پولیسو سیمه کلابنده کړې ده.
د کابل د عامې روغتیا وزارت چارواکي وايي چې په قربانیانو کې کوچنیان هم شته.
د افغانستان د کورنیو چارو وزارت ویاند نصرت رحیمي وايي، په کابل ښار کې د نن سهار په حمله کې ۱۰ تنه ملکي وګړي وژل شوي او ۴۲ تنه نور ټپیان دي.
ښاغلی رحیمي زیاتوي، په دغې پېښه کې د ملکي وګړو ۱۲ موټر هم تخریب شوي.
په کابل کې نن سهار په نهمه حوزه کې د دوهمو مکروریانو د منځ پر سړک چاودنه وشوه.
د افغانستان د کورنیو چارو وزارت ویاند نصرت رحیمي نن د سپټمبر په پنځمه پر ټوېټر ولیکل چې چاودېدونکي مواد په یوه تونس موټر کې ځای پرځای شوي وو.
رحیمي پر ټوېټر یوازې د دولسو موټرو د تخریب خبر ورکړی دی.
د رحیمي په لیکنه، پولیسو سیمه محاصره کړې ده.
د ملکي تلفاتو په اړه څه نه دي ویل شوي.
د حملې مسؤلیت وسله والو طالبانو اخیستی دی.
د افغانستان د عامې روغتیا وزارت د معالجوي طب عمومي مشر ډاکتر محبالله ځیر وايي، په کابل کې د نن سهار له چاودنې د ښځو او ماشومانو په ګډون ۵ تنه وژل شوي او ۲۸ ټپیان روغتونونو ته لېږدول شوي دي.
وسلهوالو طالبانو د دې پېښې مسؤلیت منلی دی