د لاسرسي لېنکونه

دوشنبه ۲۵ وږی ۱۳۹۸ کابل ۱۱:۰۵

چارواکي: زابل او ارزګان کې ۱۴ وسله وال وژل شوي


افغان ځواکونه

افغان چارواکي وايي، زابل او ارزګان کې ۱۴ وسله وال وژل شوي دي.

په کندهار کې د ۲۰۵ اتل قول اردو مرستيال ویاند تورن احمد صادق عيسی ازادي راډیو ته وویل، دا وسله وال د زابل په شاه جوی او د ارزګان په چارچينو ولسوالیو کې د افغان ځواکونو په ځمکنیو او هوايي بريدونو کې وژل شوي دي.

هغه وویل، د زابل د شاه جوی ولسوالۍ د موسی زیو په سيمه د افغان ځواکونو په عملياتو کې ۷ تنه وسله وال وژل شوي او دوه نور مشکوک کسان نيول شوي دي.

نوموړی همداراز وایي چې د ارزګان د چارچينو ولسوالۍ د تګاب او يومني په کليو کې هم د افغان ځواکونو عملياتو کې ۷ تنه طالب وسله وال وژل شوي دي.

تورن احمد صادق عيسی زیاته کړه په ارزګان کې د وسله والو لس پټنځايونه، چاوېدونکي توکي او د هغوی يو شمېر نقليه وسايط هم له منځه وړل شوي دي.

طالبانو تراوسه په دې تړاو تبصره نه ده کړې.

XS
SM
MD
LG