د لاسرسي لېنکونه

سه شنبه ۲۹ زمری ۱۳۹۸ کابل ۰۵:۳۱

د هندوستان د بهرنیو چارو پخوانۍ وزیره سوشما سواراج مړه شوه


سوشما سواراج د هندوستان د بهرنیو چارو پخوانۍ وزیره

د هندوستان د بهرنیو چارو پخوانۍ وزیره او تجربه‌کاره سیاستواله سوشما سواراج د ۶۷ کلونو په عمر مړه شوه.

نوموړې چې د نرېندرا مودي په مشرۍ د هند د واکمن ګوند بهاراتیا جانتا ګوند له پېژندل شویو مشرانو څخه وه، په وروستیو انتخاباتو کې یې د روغتیايي دلایلو له کبله ګډون نه‌و کړی.

د هند صدراعظم نرېندرا مودي پر خپل ټویټر لیکلي چې د مېرمن سواراج په مړینه د هند په سیاست کې یو پرتمین باب وتړل شو.

مودي ویلي، هندوستان د خپلې دې یادې مشرې په مړینه چې خپل ژوند یې د خپلو خلکو خدمت او د بې‌وزلو د ژوند ښه کولو ته وقف کړی و، ویرجن دی.

مېرمن سواراج د نرېندرا مودي په پخوانۍ کابینه کې د بهرنیو چارو وزیره وه او د افغان چارواکو سره‌یې نږدې اړیکې درلودې.

XS
SM
MD
LG