د لاسرسي لېنکونه

تازه خبر
سه شنبه ۳۰ تله ۱۳۹۸ کابل ۰۵:۴۵

امریکا: د یوې بریتانوۍ کښتۍ پر وړاندې د ایران خنډ غندو


د امریکا د بهرنیو چارو وزارت ویانده مورګان اورتاګوس

د امریکا د بهرنیو چارو وزارت وايي، متحد ایالات به له بریتانیا او خپلو نورو متحدانو سره په ګډه په خلیج کې د ایران د ورانکارو فعالیتونو د مخنیوي هڅو ته دوام ورکړي.

د بهرنیو چارو وزارت ویاندې مورګان اورتاګوس «Morgan Ortagus» پرون- پنجشنبې په واشنګټن کې په یوه خبري غونډه کې همدا راز په هُرمز تنګي کې د یوې بریتانوۍ کښتۍ پر وړاندې د خنډ جوړولو له کبله د ایران سپاه پاسداران ځواک وغانده: "د امریکا د بهرنیو چارو وزارت د ایران د سپاه پاسداران انقلاب د سمندري ځواک هغه هڅه غندي چې د بریتانوي میراث په نوم د بریتانیا د بیرغ لرونکې تجارتي کښتۍ یې غیرقانوني ګواښلې او د هغې تېرېدو ته یې په هُرمز تنګي کې مزاحمت کړی."

بریتانیا پرون اعلان وکړ چې سمندري ځواکونو یې د ایران د هغو درېیو کښتیو مخه نیولې چې په هُرمز تنګي کې یې د یوې بریتانوۍ تجارتي کښتۍ لاره نیولې وه.

د ایران د بهرنیو چارو وزیر محمدجواد ظریف د بریتانوۍ کښتۍ ګواښل یوه بې ارزښته ادعا بللې او رد یې کړه.

XS
SM
MD
LG