په پاکستان کې د پاکستانۍ روپۍ ارزښت نن جمعه نور هم ټیټ شو او یو ډالر په نږدې یونیم سل روپۍ تبادله کېده.
د پاکستان په تاریخ کې دا لومړی ځل دی چې ملي پیسه یې دومره رالوېږي.
خو په داسې حال کې چې د پاکستانۍ روپۍ د ارزښت د ټیټېدو بهیر له نږدې یوکال راهیسې پیل شوی، ولې په ځینو ولایتونو کې چې پر پوله پراته دي، د کلدارې چلند نه بندېږي؟
احمد تکل په دې اړه د سوداګرۍ او صنایعو خونې د مرستیال خانجان الکوزي نظر پوښتلی دی.
ښاغلی الکوزی د مرکې په پیل کې دې پوښتنې ته ځواب کې وايي چې ولې خلک د پاکستانۍ روپۍ پرځای د ملي پیسو یا افغانۍ کارولو ته زړه نه ښه کوي؟
د دې مرکې د اورېدو لپاره لاندې لېنک کېکاږئ:
