د لاسرسي لېنکونه

یکشنبه ۵ غبرګولی ۱۳۹۸ کابل ۰۹:۵۵

ټرمپ: ډاډه یم چې ایران به له واشنګټن سره خبرو ته مخه کړي


د امریکا ولسمشر ډونالډ ټرمپ

د امریکا ولسمشر ډونالډ ټرمپ وايي، هغه ډاډه دی چې ایران به ډېر ژر له واشنګټن سره خبرو اترو ته مخه کړي.

ولسمشر ټرمپ دا راپورونه هم رد کړل چې ګواکې د پالیسیو په اړه د نوموړي په اداره کې اختلافات موجود دي.

ډونالډ ټرمپ د چهارشنبه په ورځ پر خپل ټویټر ولیکل، مختلف نظرونه څرګندیږي او زه خپله وروستۍ پریکړه کوم او ډاډه یم چې ایران به د خبرو اترو غوښتنه وکړي.

د امریکا او ایران ترمنځ د وروستي کړکېچ په اړه دا دوهم ځل دی چې د امریکا ولسمشر له ایران سره د مذاکراتو خبره کوي.

بل لور ته د ایران د بهرنیو چارو وزیر واي، د ۲۰۱۵ میلادي کال له اټمي موافقې څخه د امریکا د وتلو سره سره تهران بیا هم له زغمه کار اخلي او دې موافقې ته ژمن دی.

جواد ظریف پرون په توکیو کې له جاپاني چارواکو سره د کتنې پرمهال امریکا تورنه کړه چې په فارس خلیج کې په غیر ضروري توګه کړکیچ زیاتوي.

ظریف وویل، د امریکا له‌خوا د وضعیت پیچلی کول د منلو وړ نه‌دی.

XS
SM
MD
LG