د مخکښې ښځو په خپرونه کې له خاطرې اسحاقزۍ سره خبرې کوو چې د افغانستان د وچو مېوو د صادراتو په برخه کې سوداګري کوي او د افغانستان لپاره د تعلیمي، طبي او مسلکي پروګرامونو د پرمختګ مؤسسې مشره ده.
هغې د کابل پوهنتون د ژورنالیزم له پوهنځي څخه د لېسانس سند اخیستی او په هند کې یې د عامه اړیکو په برخه کې ماستري کړې ده.
خاطره وایي، کلونهیې د ښځو د حقونو لپاره غږ پورته کړی او خوښه ده چې مدني فعالیتونه ترسره کوي.
تر دې مخکې یې په سره میاشت، د کابل د ولایتي شورا، په بېلابېلو معتبرو رسنیو او مدني ټولنو کې کار کړی دی.
دغه خپرونه د ازادي راډيو خبریاله فرشته غني چمتو کوي چې د لاندې لېنک په کېکاږلو یې اورېدای شئ: