د لاسرسي لېنکونه

جمعه ۱ وږی ۱۳۹۸ کابل ۰۳:۱۴

افغان ولسمشر نن د سولې په اړه د یوې مشورتي جرګې د جوړېدو وویل


افغان ولسمشر محمد اشرف غني

افغان ولسمشر د سولې د بهیر د ګړندي کېدو په هدف د یوې مشورتي جرګې د جوړېدو خبر ورکوي.

اشرف غني دا خبره نن په ارګ کې د سولې د مشورتي شورا په لومړنۍ غونډه کې وکړه.

ښاغلي غني د افغانستان د سولې د عالي شورا د دارالانشا رئیس او د سولې د سیمه ییزې اجماع په چارو کې خپل سلاکار محمد عمر داودزي ته دنده وسپارله چې د حوت د میاشتې په وروستیو کې د دغې لویې مشورتي جرګې د جوړېدو لپاره تیاری ونیسي.

له طالبانو سره د خبرو لپاره د سولې پر ملي مشورتي بورډ سربېره دغه یو دولس کسیز حکومتي پلاوی هم ټاکل شوی دی.

ولسمشر د سولې د مشورتي جرګې د جوړېدو خبر په داسې حال کې ورکوي چې پرون یې د ننګرهار ولایت په غني خېلو کې یوې لویې ولسي غونډې ته په خبرو کې وویل چې حکومت یې حاضر دی چې طالبانو ته په کابل، ننګرهار یا لوی کندهار کې د دفتر د پرانيستلو اجازه ورکړي.

خو طالبانو تراوسه د افغانستان له حکومت سره له مخامخ خبرو کولو ډډه کړې ده.

XS
SM
MD
LG