د لاسرسي لېنکونه

دوشنبه ۵ وری ۱۳۹۸ کابل ۰۶:۵۷

د ۳ ولایتونو د ولسي جرګې د انتخاباتو وروستۍ پایلې اعلان شوې


د افغانستان د انتخاباتو خپلواک کمېسیون مرستیال ویاند ذبیح سادات

د افغانستان د انتخاباتو خپلواک کمېسیون د درېیو نورو ولایتونو د ولسي جرګې د انتخاباتو وروستۍ پایلې هم اعلان کړې.

د دغه کمېسیون مرستیال ویاند ذبیح سادات نن ازادي راډيو ته وویل چې پنجشېر، کاپیسا او سرپل هغه ولایتونه وو چې تېره ورځ‌يې د شکایتونو کمېسیون دوی ته لېست سپارلی او دوی يې له تخنیکي ارزونې وروسته نن وروستۍ پایلې اعلان کړې.

ښاغلی سادات وايي چې یوازې د سرپل په وروستیو پایلو کې بدلون راغلی او د دوو نورو یادو شویو ولایتونو لومړنی لېست د اعتبار وړ دی.

د یادولو ده چې له دې وړاندې هم د انتخاباتو خپلواک کمېسیون د نهو نورو ولایتونو وروستۍ پایلې اعلان کړې وې.

ښاغلی سادات وايي چې ډېر ژر به د پاتې نورو ولایتونو د ولسي جرګې انتخاباتي وروستۍ پایلې هم اعلان شي.

XS
SM
MD
LG