د لاسرسي لېنکونه

تازه خبر
پنجشنبه ۲۳ لړم ۱۳۹۸ کابل ۰۹:۱۳

انادولو: د پاکستان له نظره د افغانستان د سولې بهیر د پرمختګ په حال کې دی


  • سټارز اېنډ سټرایپس

د نړۍ یو شمېر ورځپاڼو د کابل د تېرې ورځې امنیتي پېښې ته کتنه کړې ده.

پرون د افغانستان د شهیدانو او معلولینو وزارت ته نږدې لومړی د یوه انتحاري برید خبر خپور شو، بیا وویل شول چې وسله‌وال د لومړیو مکروریانو په سیمه کې د شهیدانو او معلولینو د وزارت د معینیت دفتر ته ننوتي او جګړه‌یې پیل کړې ده.

سټارز اېنډ سټرایپس ورځپاڼه دا سیمه مهمه ګڼي او لیکي چې په دې سیمه کې یو شمېر اپارتمانونه او د حکومتي ادارو ودانۍ دي.

سټارز اېنډ سټرایپس: دا برید په داسې وخت کې شوی دی چې په همدې ورځ د پاکستان د بهرنیو چارو وزیر شاه محمود قریشي په کابل کې و.
سټارز اېنډ سټرایپس: دا برید په داسې وخت کې شوی دی چې په همدې ورځ د پاکستان د بهرنیو چارو وزیر شاه محمود قریشي په کابل کې و.

دا برید په داسې وخت کې شوی دی چې په همدې ورځ د پاکستان د بهرنیو چارو وزیر شاه محمود قریشي په کابل کې و او له ولسمشر اشرف غني سره‌یې د سولې په اړه خبرې کولې.

قریشي د افغانستان د بهرنیو چارو له وزیر صلاح‌الدین رباني سره هم وکتل.

قریشي دا خبرې ګټورې وبللې.

  • انادولو ورځپاڼه

انادولو ورځپاڼه لیکي چې د پاکستان له نظره د افغانستان د سولې بهیر د پرمختګ په حال کې دی.

د دې ترکۍ ورځپاڼې په مقاله کې راغلي دي چې د پاکستان د بهرنیو چارو د وزیر تر سفر یوه ورځ مخکې د افغانستان حکومت اسدالله خالد د دفاع وزارت د سرپرست او امرالله صالح د کورنیو چارو د وزارت د سرپرست په توګه وټاکل.

انادولو: د افغانستان د ملي امنیت دغه دواړه پخواني رئیسان د طالبانو او په افغانستان کې د پاکستان د سیاست سخت مخالفان پېژندل کېږي.

​د افغانستان د ملي امنیت د عمومي ریاست دغه دواړه پخواني رئیسان د طالبانو او په افغانستان کې د پاکستان د سیاست سخت مخالفان پېژندل کېږي.

انادولو ورځپاڼه لیکي، د پاکستان د بهرنیو چارو وزیر په داسې وخت کې کابل ته ولاړ چې د امریکا متحده ایالاتو ویلي دي چې له افغانستانه د ۷۰۰۰ امریکایي سرتېرو پر ایستلو غور کوي.

  • ډېلي مېل

بل لور ته په همدې اړه ډېلي مېل ورځپاڼې په افغانستان کې د غوڅ ملاتړ مأموریت د عمومي قوماندان سکاټ مېلر خبرې رااخیستې دي.

مېلر ویلي دي چې تر دې دمه‌یې له افغانستانه د امریکایي ځواکونو د ایستلو امر نه‌دی ترلاسه کړی.

جنرال مېلر ویلي دي چې تر دې دمه‌یې له افغانستانه د امریکایي ځواکونو د ایستلو امر نه‌دی ترلاسه کړی.
جنرال مېلر ویلي دي چې تر دې دمه‌یې له افغانستانه د امریکایي ځواکونو د ایستلو امر نه‌دی ترلاسه کړی.

ورځپاڼه د جنرال مېلر په وینا لیکي، که چېرته په دې برخه کې له ده وغوښتل شي، ستونزه به رامنځته نه‌شي، ځکه چې دوی به بیا هم د افغان ځواکونو تر څنګ وي.

د امریکا د متحده ایالاتو ولسمشر ډونالد ټرمپ تېره اوونۍ له دفاع وزارته وغوښتل چې له افغانستانه د اووه زره امریکایي سرتېرو د ایستلو طرحه چمتو کړي.

د اوس لپاره تر ۱۴ زره ډېر امریکايي پوځیان په افغانستان کې شته چې تر ډېره د افغانستان د امنیتي او دفاعي ځواکونو په روزنه، هغوی ته په مشوره ورکولو او مرسته رسولو بوخت دي.

XS
SM
MD
LG