افغان ولسمشر د جنيوا په کنفرانس کې د خپل حکومت د څلورو کلونو لاسته راوړنې د یوه سوله ییز او ثبات لرونکي افغانستان لپاره مهمې وبللې.
اشرف غني وویل، د امنیت، اصلاحاتو، عدالت، د ښځو د حقونو او د فساد ضد هڅو په ګډون، په مختلفو برخو کې یې پرمختګونه کړي او ټاکلو هدفونو ته د رسېدو لپاره هم له نړیوالو د ملاتړ د دوام غوښتنه کوي.
د جنیوا په کنفرانس کې ولسمشر او اجرائیه رئیس له طالبانو سره د سولې د خبرو پر یوه نوي پلان هم رڼا واچوله.
د اروپایي ټولنې د بهرني سیاست مشرې د افغانستان د حکومت د سولې د هڅو ملاتړ وکړ او ویې ویل چې دا اتحادیه چمتو ده چې د نورو مرستو ترڅنګ د سولې د احتمالي موافقې لپاره د یوې نړیوالې ضمانت کونکې په توګه رول ولوبوي.
نوریاس نوري د دغه کنفرانس په اړه د کابل پوهنتون د حقوقو او سیاسي علومو د پوهنځي له استاد نصرالله ستانکزي مرکه کړې او لومړی یې ترې پوښتنه کړې چې ایا د افغانستان د حکومت مشران توانېدلي چې د خپلو لاس ته راوړنو په برخه کې د نړیوالو قناعت حاصل کړي؟
د دې مرکې د اورېدو لپاره لاندې لېنک کېکاږئ:
