د لاسرسي لېنکونه

شنبه ۳ وری ۱۳۹۸ کابل ۰۸:۳۸

ټوسک: بریتانيا او اروپايي اتحادیه يوه توافق ته رسيدلي


ډونالډ ټوسک

د اروپايي شورا رئیس ډونالډ ټوسک وايي، بریتانيا او اروپايي اتحادیه د بریتانيې او اروپايي ټولنې د اړيکو د راتلونکي په اړه يوه توافق ته رسيدلي دي.

دا خبرې په يوه بيان کې راغلي چې ښايي د راتلونکي کال د مارچ مياشتې په ۲۹مه نېټه په کېدونکې د اروپايي اتحاديې د مشرانو په غونډه کې لاسليک شي.

ډپلوماټان هڅې کوي چې له اروپايي ټولنې څخه د بریتانیې د وتلو په اړه يو توافقه ليک رامنځته کړي.

ټوسک وايي، د دې بیانيې د متن په اړه د بریتانيا د صدراعظمې ټرزا مې او د اروپايي کمېسيون د رئیس ژان کلاود يونکر تر منځ تېره ورځ تفاهم رامنځته شوی او د ښاغلي ټوسک په وينا يونکر ده ته د دې توافقه لیک د جزئياتو په اړه معلومات ورکړي دي.

ټاکل شوې ده د بریتانيې صدراعظمه ټرزا مې په راتلونکو دوو ساعتو کې په دې اړه د خپل هېواد پارلمان ته معلومات ورکړي.

XS
SM
MD
LG