افغانستان
اسوشیټېډ پرس: خلیلزاد په قطر کې له مهمو طالب مشرانو سره غږېدلی
اسوشیټېډ پرس خبري اژانس وايي، د طالبانو مهمو مشرانو په قطر کې د افغانستان د سولې لپاره د امریکا له ځانګړي استازي سره درې ورځې خبرې کړي دي.
دې خبري اژانس پرون یکشنبه وویل، د طالبانو د واکمنۍ پر مهال د هرات والي خیرالله خیرخواه او د طالبانو پخواني پوځي قوماندان محمد فضل په دوحه کې له زلمي خلیلزاد سره په خبرو کې ګډون کړی وو.
خیرخواه او فضل له درېيو نورو طالب مشرانو سره په ۲۰۱۴ میلادي کال له ګوانتانامو محبس څخه د یوه امریکايي پوځي باو برېګدال په بدل کې خوشې شول او له هماغه وخته په قطر کې اوسي.
د اسوشیټېډ پرس اژانس پر اساس خلیلزاد پرون یکشنبه یو وار بیا له ولسمشر محمد اشرف غني سره وکتل.
د ورځې تازه خبرونه دلته ولولئ
د افغانستان فوټبال غوره لیګ؛ نن دوه سیالۍ کېږي
ټاکل شوې ده چې د افغانستان د فوټبال د غوره لیګ سیالیو په دوام کې نن هم دوه لوبې وشي.
د عدالت او د ساحل څپې لوبډلې او همداراز د ابومسلم او میوند لوبډلې له یو بل سره مخامخ کېږي.
پرون سُرخ پوشان، استقلال ته ماته ورکړه او سرسبز لوبډلې بیا له خدیم ایفسي څخه دوه پر یو وګټله.
د "اوآیسي" یوه چارواکي له طالبانو سره د بشري مرستو لپاره د تعامل د دوام خبر ورکړ
د اسلامي همکارۍ سازمان یا "اوآیسي" سکرتر جنرال حسین ابراهیمطه وايي چې په افغانستان کې له واکمنو چارواکو سره د رغنده ډیالوګ او د بشري مرستو په هدف تعامل ته دوام ورکوي.
ده دا خبره پرون شنبې د ګامبیا په پلازمېنه بانجول کې د اسلامي همکارۍ سازمان په پنځلسمه غونډه کې وکړه.
د طالبانو د بهرنیو چارو وزارت پر خپله ایکسپاڼه کې لیکلي چې د اسلامي همکارۍ سازمان په غونډه کې د دغه وزارت ویاند عبدالقهار بلخي د افغانستان په استازیتوب ګډون کړی و.
د اسلامي همکارۍ سازمان له خبرپاڼې سره سم، ابراهیم طه له غړیو هېوادونو وغوښتل چې د اسلامي همکارۍ سازمان له بشري چارو په تېره بیا په افغانستان کې د دغه هیواد لپاره د بسپنې د صندوق له لارې په سخاوت مرستې وکړي.
تېره میاشت د افغانستان لپاره د اسلامي همکارۍ سازمان استازی طارق علي بخیت د یوه پلاوي په مشري کابل ته لاړ.
ده او ورسره ملګري پلاوي له طالب چارواکو سره په کتنو کې د ښځو د حقونو پر اړتیا ټینګار وکړ.
طالبانو په بدخشان کې د راپورته شوې ستونزې د څېړنې لپاره یو پلاوی ټاکلی
د بدخشان په یو شمېر ولسوالیو کې د طالبانو د حکومت پر ضد د ولسي خلکو له لاریونونو وروسته، طالب چارواکي وايي، د راپورته شوې ستونزې د څېړنې لپاره یو پلاوی ټاکل شوی دی.
د طالبانو د حکومت ویاند ذبیحالله مجاهد تېره شپه ناوخته یوه خپره کړې اعلامیه کې په بدخشان کې راپورته شوی کړکېچ د کوکنارو د کښت له امله بللی او زیاتوي، یو شمېر کسانو د دوی په هغو امنیتي ځواکونو چې د کوکنار په ضد په مبارزه بوخت دي، د هجوم ور وړلو هڅه کړې او وروسته د ده له قوله؛خواشينوونکې پېښې را منځته شوې دي.
هغه زیاته کړې، د پېښې د لا څېړنې لپاره د طالبانو حکومت د رییس الوزرا لهخوا د دوی د لوی درستیز فصیحالدین فطرت په مشرۍ یو پلاوی ټاکل شوی.
خو تېرو دوو ورځو کې د بدخشان له ځینو سیمو خپرې شوې وېډیوګانې ښيي چې سیمهییز خلک د طالبانو ځواکونه په خپلسرو کړنو، د ملکي خلکو په وژنې، د خلکو په ځورونې او د دوی کورونو ته په ننوتو تورنوي او د حکومت پر ضد یې شعارونه ورکوي.
سیمه کې خلک دا هم وايي چې طالبانو یو ملکي وګړی وژلی او څو تنه نور یې نیولي دي.
په همدې حال کې د طالبانو حکومت لوی درستیز فصیحالدین فطرت ویلي، چا ته به اجازه ور نه کړي چې د دوی د حکومت پر ضد لاریون وکړي.
بلخوا د صلاحالدین رباني په مشرۍ د جمعیت اسلامي ګوند یوه اعلامیه کې طالبان په بدخشان کې د معترضانو په ځپلو تورن کړي.
دې ګوند د سیمې د خلکو راپورته کېدل د طالبانو د ظلم، ستم او تبعیض پایله بللې.
یو ایرانی چارواکی: طالبان دې د افغان کډوالو د ستنولو لپاره اقدام وکړي
د ایران یوه چارواکي پر افغانستان له اوسنیو حاکمانو غوښتنه وکړه چې خپل هېواد ته د افغان کډوالو د ستنولو لپاره اقدام وکړي.
ایراني رسنیو پرون د ایران د بهرنیو کډوالو د ملي سازمان د اتباعو او کډوالو عمومي مدیر علي اصغر بلوکیان په حواله دا راپور ورکړی دی.
هغه ویلي، که اوسني حاکمان له ایرانه افغان کډوال بېرته د دوی اصلي هېواد ته ستانه کړي، افغانستان کې به ډېر لوړ ظرفیتونه ایجاد شي.
د ایران دغه چارواکي ویلي، په ایران کې افغان کډوال په علمي، طبي، فرهنګي او اقتصادي برخه کې ډېر لوړ ظرفیتونه لري چې افغانستان ته د دوی له ستنېدو سره به په بېلابېلو برخو کې د دوی له استعدادونو کار واخیستل شي.
څه کم درې کاله مخکې پر افغانستان د طالبانو د ولکې له بیا ټینګولو وروسته ګڼو افغانانو چې په دولتي او غیردولتي ادارو کې کارونه کول، د ایران تر څنګ نورو ګاونډیو هېوادونو ته پناه یووړه.
په دوی کې ځینې یې غربي هېوادونو ته د تلو په تمه دي او د ګاونډیو هېوادونو په سفارتونو کې یې د پناه غوښتنې د دوسیو کارونه پرمخ ځي.
د افغانستان په شپږو ولایتونو کې د ورښتونو او سېلابونو د راوتلو اټکل شوی
د طالبانو د حکومت د ټرانسپورټ او هوایي چلند وزارت اټکل کړی چې نن هم د افغانستان په شپږو ولایتونو کې د ورښتونو او سېلابونو د راوتلو احتمال شته.
د دې وزارت د هواپېژندنې ادارې پرون شنبه په یوه اطلاعیه کې ویلي چې نن یکشنبه په بدخشان، تخار، بغلان، کندز، سمنګان او بلخ ولایتونو کې د نسبتاً سختو ورښتونو، تالندې او برښنا او ناڅاپي سېلابونو اټکل کېږي.
دې ادارې په ځینو سیمو کې د ۱۵ او ۲۵ ملي مترو ترمنځ بارانونو د ورېدو اټکل کړی.
په وروستیو څو اوونیو کې د هېواد په بېلابېلو سیمو کې سخت بارانونه وشول چې په پایله کې یې لسګونه کسان مړه او لسګونه نور ټپیان شول.
دغو بارانونو او سېلابونو همداراز سلګونه کورونه، پراخې کرنیزې ځمکې تخریب او سلګونه څاروي هم مړه کړي دي.
د افغانستان په ۶ ولایتونو کې د ورښتونو او سېلابونو د راوتلو اټکل شوی
د طالبانو د حکومت د ټرانسپورټ او هوایي چلند وزارت وايي چې سر له سبا د غويي له ۱۶مې څخه د هېواد په شپږو ولایتونو کې د ورښتونو او سېلابونو د راوتلو احتمال شته.
د دې وزارت په یو بیان کې ویلي چې سبا په بدخشان، تخار، بغلان، کندز، سمنګان او بلخ ولایتونو کې د نسبتاً سختو ورښتونو، تالندې او برښنا او ناڅاپي سېلونو اټکل کېږي.
دې ادارې په ځینو سیمو کې د ۱۵ او ۲۵ ملي مترو ترمنځ بارانونو د ورېدو اټکل کړی.
په وروستیو څو اوونیو کې د هېواد په بېلابېلو سیمو کې سخت بارانونه وشول چې په پایله کې یې لسګونه کسان مړه او لسګونه نور ټپیان شول.
دې بارانونو همداراز سلګونه کورونه، پراخې کرنیزې ځمکې او سلګونه څاروي هم ووژل.
طالب چارواکي: د پاکستان له زندانونو ۱۵ افغان بندیان خوشې شول
د طالبانو د حکومت د کډوالو او راستنېدونکو د چارو وزارت د پاکستان له زندانونو د ۱۵ تنه افغان بندیانو د خوشې کېدو خبر ورکوي.
دې وزارت نن پر خپله ایکس پاڼه ولیکل چې دا بندیان تېره پنجشنبې هېواد ته راستانه شول.
د دې وزارت له خوا د ورکړل شویو معلوماتو له مخې، دا کسان د قانوني اسنادو د نه لرلو له کبله په پاکستان کې بندیان وو.
ټایمز اف انډیا: هندي پولیسو افغان جنرال کونسلې ذکیه وردګ سره ۲۵ کیلو ګرامه سره زر نیولي
"د ټایمز اف انډیا" ورځپاڼې د هند د استخباراتي چارواکو له قوله راپور ورکړی چې په دې هېواد کې یې د افغانستان جنرال قونسلې ذکیې وردګ سره ۲۵ کیلوګرامه سره زر نیولي دي.
دې ورځپاڼې نن لیکلي، په دې اندازه سره زر هغه مهال له نوموړې سره ونیول شول چې له دوبۍ هندوستان ته ستنېده.
ورځپانې د دې اندازې سرو زرو بیه ۱۸،۷ کروړه هندي کالدارې ښودلې او زیاتوي، پولیسو د ذکیې وردګ پر ضد د سرو زرو د قاچاق قضیه ثبت کړې ده.
ورځپاڼه لیکي، پېښه د اپریل په ۲۵مه شوې؛ خو نوموړې تر اوسه ځکه نهده نیول شوې چې ډیپلوماټیک مصوونیت لري.
د ټایمز اف انډیا د هند استخباراتي چارواکو ته د سپیناوي په اړه د ذکیې وردګ د بیان یوه برخه هم را اخیستې چې ویلي یې دي، په دې اړه حیرانه شوې او د پېښې د لا څېړنې غوښتنه یې کړې.
لا تر اوسه ذکیې وردګ او په هندوستان کې د افغانستان سفارت په دې اړه غبرګون نهدی ښودلی.
ازبکستان: افغانستان او پاکستان ته د د اوسپنې پټلۍ پروژه په ۲۰۲۷ کې بشپړیږي
ازبکستان وايي، د اوسپنې پټلۍ هغه پروژه چې منځنۍ آسیا د افغانستان له لارې له پاکستان سره نښلوي، د ۲۰۲۷ کال په وروستیو کې پای ته رسېږي.
ټرینډ نیوز خبري آژانس چې د منځنۍ آسیا د روانو چارو خبرونه خپروي پرون د غويي ۱۴مه خبر ورکړ چې د ازبکستان د ترانسپورت وزارت مرستیال جسوربېګ چوريیف د تاشکند د پانګونو په دریمه نړیواله ناسته کې چې پرون یې دوهمه او وروستۍ ورځ وه، په دې اړه څرګندونې وکړې.
د خبر له مخې، ښاغلي چورییف دا پروژه د ازبکستان لپاره د هند تر سمندر پورې مهمه ترانزیتي لاره وبلله او ویې ویل چې د اورګاډي د دې پټلۍ په بشپړېدو سره به ازبکستان ته د تجارتي مالونو په وړو- راوړو کې له ۳ تر ۵ ورځو پورې د وخت سپما وشي.
د طالبانو حکومت تراوسه د دې پروژې په اړه تازه څه نه دي ویلي، خو د روانې غويي میاشتې په پیل کې د طالبانو چارواکو د افغانستان له لارې له منځنۍ آسیا څخه پاکستان ته اورګاډي د پروژې د رغونې په اړه د قزاقستان او قرغزستان له جګپوړو چارواکو سره په کابل کې خبرې وکړې.
بدخشان کې د طالبانو لخوا د یوه ولسي وګړي د وژل کېدو پر ضد لاریون شوی
د راپورونو له مخې، د بدخشان ولایت د درایم ولسوالۍ یوشمېر اوسېدونکو پرون د طالبانو له خوا د یوه ملکي وګړي د وژل کېدو په غبرګون کې اعتراض وکړ.
د طلوع نیوز خصوصي ټلویزیون پرون د سیمه ایزو سرچینو له قوله راپور ورکړ چې دا کس وروسته له هغه ووژل شو چې د سیمې اوسېدونکي له هغو طالبانو سره چې د کوکنارو د کروندو د له منځه وړلو لپاره درایم ولسوالۍ ته ورغلي وو، ونښتل.
د وژل شوي کس هویت او د مړینې څرنګوالی یې تراوسه نه دي معلوم او په بدخشان کې د طالبانو سیمه ایزو چارواکو هم تراوسه په دې اړه تبصره نه ده کړې.
ځینو رسنیو هغه ویډیوګانې خپرې کړې دي چې ویل شوي د طالبانو پر وړاندې د درایم ولسوالۍ د خلکو د اعتراضونو له جریانه اخیستل شوې دي.