د کابل ښار د دوهمې امنیتي حوزې په مربوطاتو کې چاودنه شوې ده. د کورنیو چارو وزارت ویاند نجیب دانش ازادي راډیو ته ...
د کابل ښار د دوهمې امنیتي حوزې په مربوطاتو کې چاودنه شوې ده.
د کورنیو چارو وزارت ویاند نجیب دانش ازادي راډیو ته دا پېښه تأیید کړه او ویېویل د استقلال لېسې ته څېرمه پر هغه سړک چې پولیسو د لاریون په خاطر تړلی وو رامنځته شوې ده.
د هغه په وینا دا چاودنه احتمالاً د ځای پر ځای شویو چاودېدونکو توکو له امله رامنځته شوې.
تر اوسه د دې پېښې مسؤلیت چا نهدی منلی.
د افغانستان د کورنیو چارو وزارت وایي چې د کابل اسقلال لېسې ته څېرمه په نننۍ پېښه کې ۲۶ تنو ته مرګ ژوبله اوښتې ده.
د دغه وزارت ویاند نجیب دانش په دې اړه ازادي راډيو ته وویل چې په دغه پېښه کې د درېیو مېرمنو او یوه نظامي کس په ګډون شپږ تنه وژل شوي او د درېيو مېرمنو او درېيو نظامي کسانو په شمول ۲۰ تنه ټپیان دي.
د دغې پېښې مسؤلیت تر اوسه چا نهدی منلی.
