د ننګرهار د ولایتي شورا وکیل ناصر کاموال وايي، د دغه ولایت د کامې ولسوالۍ په نننۍ انتحاري حمله کې ۲۱ تنه وژل شوي او تر ۴۰زیات ټپيان شوي دي.
د ننګرهار د ولایتي شورا وکیل ناصر کاموال وايي، د دغه ولایت د کامې ولسوالۍ په نننۍ انتحاري حمله کې ۲۱ تنه وژل شوي او تر ۴۰زیات ټپيان شوي دي.
ښاغلي کاموال ازادي راډیو ته وویل چې په وژل شویو کسانو کې د کامې ولسوالۍ قومي مشر پتنګ خان هم شامل دی.
نوموړي زیاته کړه چې انتحاري حمله د ناصر مومند د انتخاباتي کمپیان په دفتر کې شوې چې خپله نوموړی د پېښې په ځای کې نه و.
پخواني معلومات
د ننګرهار د عامې روغتیا رئیس نجیب الله کاموال وایي چې د دغه ولایت د کامې ولسوالۍ په نننۍ پېښه کې ۱۳ تنه وژل شوي او تر ۴۰ نور ټپیان دي.
تر دې وړاندې نوموړي د وژل شویو شمېر ۱۳ او د ټپیانو شمېر ۵۵ تنه ښودلی و.
- پخواني معلومات
د ننګرهار ولایت په کامې ولسوالۍ کې د ځان وژونکي برید له امله ۱۳تنه مړه او تر ۳۰ زیات زخميان دي.
د ننګرهار ولایتي چارواکي وايي، په کامې ولسوالۍ کې د ولسي جرګې یوه نوماند په کمپايني غونډه کې ځان وژونکی برید شوی چې په پایله کې ۱۳ تنه مړه او له ۳۰ زیات زخميان شوي دي.
د ولایت ویاند عطالله خوګياڼی وايي، دا پېښه د سې شنبې په ورځ له غرمې وروسته د کامې ولسوالۍ په سنګر سرای سیمه کې ولسي جرګې ته نوماند د ناصر مومند د کمپاین په غونډه کې شوې.
نوموړی وايي، زخميان د جلال اباد مرکزي روغتون ته انتقال شوي دي.
د دې پېښې مسوولیت تر اوسه چا پر غاړه نه دی اخېستی.
- پخواني معلومات
په ننګرهار ولایت کې د ناصر مومند په ټاکنیز کمپاین کې ځان وژونکي برید اووه تنه وژلي او پینځه ویشت تنه نور یې زخميان کړي دي.
د ننګرهار ولایتي چارواکي وايي، په کامې ولسوالۍ کې ولسي جرګې لپاره
نوماند د یوه کاندید په کمپايني غونډه کې ځان وژونکی برید شوی.
د ولایت ویاند عطالله خوګياڼی وايي، دا پېښه د سې شنبې په ورځ له غرمې
وروسته د کامې ولسوالۍ په سنګر سرای سیمه کې ولسي جرګې ته نوماند د ناصر
مومند د کمپاین په غونډه کې شوې چې په پایله کې اووه تنه مړه او پينځه
ویشت تنه نور زخميان شوي دي.
نوموړی وايي، زخميان د جلال اباد مرکزي روغتون ته انتقال شوي دي.
د دې پېښې مسوولیت تر اوسه چا په غاړه نه دی اخېستی.
- پخواني معلومات
د ننګرهار په کامې ولسوالۍ کې نن له غرمې وروسته یو ځانمرګی برید شوی دی.
د ننګرهار د والي ویاند عطاالله خوګیاڼي ازادي راډیو ته تأیید کړه چې دا ځانمرګی برید له ننګرهار ولایته ولسي جرګې ته د کاندید ناصر مومند په یوه کمپاین شوې ده.
د خوګیاڼي په خبره په برید کې اووه کسان وژل شوي او ۲۵ تنه نور ټپیان دي.
د پېښې ټپيان د ننګرهار مرکزي روغتون ته انتقال شوي دي.
تر اوسه کومې وسله والې ډلې ددې پېښې پړه نه ده منلې.