د لاسرسي لېنکونه

چهارشنبه ۲۴ زمری ۱۳۹۷ کابل ۱۰:۵۹

مدودف: پر روسي بانکونو بندیزونه د اقتصادي جګړې اعلان بولم


ډمیټري مدودف

د روسيې صدراعظم ډمیټري مدودف وايي، که امریکا پر روسي بانکونو بندیزونه ولګوي نو مسکو به دا ګام د اقتصادي جګړې ښکاره اعلان وبولي.

ډمیټري مدودف نن جمعه وویل، روسیه به په اقتصادي او سیاسي ګامونو او که اړتیا پیدا شوه له نورو لارو د امریکا بندیزونو ته ځواب ورکړي.

د نوموړي په خبره امریکايي دوستان مو باید په دې خبره پوه وي.

دا چې روسیه به د امریکا د بندیزونو د ځوابولو لپاره له نورو کومو لارو استفاده وکړي، د روسيې صدراعظم وویل، دی نه غواړي په دې اړه جزئیات ورکړي.

امریکا پر روسيې نوي بندیزونه اعلان کړي دي او د کانګرس غړو د روسيې پر یو شمېر دولتي بانکونو او د هغوی له خوا د ډالر پر کارولو بندیزونه پیشنهاد کړي دي.

XS
SM
MD
LG