د لاسرسي لېنکونه

سه شنبه ۱ لړم ۱۳۹۷ کابل ۰۵:۰۹

سوریه کې د جرمني د یوې مرستندویه ډلې ۲ کارکوونکي خوشې شول


په سوریه کې د جرمني د یوې مرستندویه ډلې دوه کارکوونکي د چک جمهوریت د ډیپلوماټانو په منځګړتوب خوشې شوي دي.

د چک د بهرنیو چارو وزارت نن پنجشنبه په یوه بیان کې وویل، د بهرنیو چارو وزیر یان حاما چیک د دغو مرستندویه کارکوونکو د تسلیمۍ لپاره دمشق ته رسیدلی دی.

چک جمهوریت د اروپايي ټولنې یوازینی غړی هېواد دی چې له سوريې سره ډیپلوماتیکې اړیکې لري.

په سوریه کې چکې ډیپلوماټان اروپايي ټولنې ته خدمات وړاندې کوي او د دې ټولنې په استازیتوب په مختلفو مسئلو کې منځګړتوب کوي.

ټاکل شوې ده چې خوشې شوي جرمني کارکوونکي پراګ ته په ستنېدو د جرمني مقاماتو ته وسپارل شي.

XS
SM
MD
LG