د لاسرسي لېنکونه

جمعه ۲۶ زمری ۱۳۹۷ کابل ۰۵:۲۳

د افغانستان د سولې ولسي حرکت په کابل کې لویه غونډه کوي


د افغانستان د سولې ولسي حرکت نن پنجشنبه د کابل ښار په غازي ستډیوم کې لویه غونډه کوي.

د دې حرکت ویاند بسم‌الله وطندوست پرون ازادي راډیو ته وویل چې د غونډې یو هدف دا دی چې د ولسونو ترمنځ د سولې په اړه د مخامخ خبرو زمینه برابره کړي.

ښاغلي وطندوست زیاته کړه:

"غونډه به تر ډېره حده پر دې وي چې څرنګه د حکومت او طالبانو ترمنځ منځګړیتوب کولای شو، څرنګه کولای شو چې نور سولې ته ورسېږو او څرنګه د یو شمېر استخباراتي کړیو لاسونه له خپل هېواده لنډ کړو."

بسم‌الله وطندوست ونه‌ویل چې وسله‌وال طالبان‌یې وربللي، خو ویې‌ویل چې په غازي سټډیوم کې غونډې ته د هغو سیمو خلک هم ورځي چې د وسله‌والو طالبانو تر واک لاندې دي.

د سولې ولسي حرکت به د جمعې په ورځ د افغانستان شمالي ولایتونو ته پياده سفر پیل کړي.

XS
SM
MD
LG