د لاسرسي لېنکونه

چهارشنبه ۳۰ لړم ۱۳۹۷ کابل ۰۵:۵۰

د هرات په هوايي ډګر کې د هېروئینو د قاچاق په تور یو تن نیول شوی


یو تن چې غوښتل‌یې په خپله خېټه کې ځای پر ځای کړي نشه‌يي مواد هند ته قاچاق کړي، د هرات په هوايي ډګر کې ونيول شو.

تورن کس وايي چې دا نشه‌يي مواد یې د پیسو په مقابل کې هند ته قاچاق کول.

دی زیاتوي چې له هرات څخه هندوستان ته د هر کېلو ګرام هيروئينو په بدل کې قاچاق کوونکو درې زره امریکايي ډالر ورکول.

د هرات ولایت د سرحدي ځواکونو قوماندان ناصر نېکنام ازادي راډیو ته وویل:

"له یو تن څخه د هیروئینو ۶۲ کپسولونه تر لاسه شوي چې د خولې له لارې يې تېر کړي او ۶۰۰ ګرامه وزن‌یې درلود، دا تورن کس تر لومړنیو څېړنو وروسته عدلي او قضايي ادارو ته سپارل شوی دی."

د یادونې وړ ده چې په تېرو دوو میاشتو کې د هرات نړیوال هوايي ډګر د سرحدي پولیسو قوماندانۍ ۲۷ کسان له هرات څخه ډهلي ته د نشه‌يي موادو د قاچاق په تور نیولي او له دوی سره‌یې اوولس نیم کېلو ګرامه هیروئین هم نیولي دي.

XS
SM
MD
LG