نننۍ نیمه نړۍ خپرونه په راتلونکو انتخاباتو کې د ښځو د ګډون موضوع ته ځانګړې شوې ده.
که څه هم دلته، په افغانستان کې ښځو ته په ټاکنو کې په ورین تندي هرکلی نه دی شوی، خو په انتخاباتو کې د ښځو ګډون مهم انګېرل کېږي.
تېرو ټاکنو ته په کتو د خلکو هغه نظرونه څه ناڅه بدل شوي دي چې کله نا کله به د ښځو په مرګ سره هم نه بدلېدل خو لا هم د خلکوانديښنو ته د پای ټکي ایښودو لپاره وخت ته اړتیا ده.
- آیا په راتلونکو انتخاباتو کې د ګډون لپاره ښځې لېوالتیا لري؟
- په راتلونکو ټاکنو کې د ښځو رول څومره مهم دی؟
- د ښځو د عامه پوهاوي لوړوالی به دغې پروسې ته څه ګټه ورسوي؟
- که په ټاکنو کې د ښځو ګډون کم رنګه وي ټولنې او په خپله ښځو ته څه تاوان رسوي؟
- او بالاخره داچې په انتخاباتو کې د ښځو د ګډون پر وړاندې لوی خنډونه څه دي؟
په همدې اړه مو یو ریپوټ برابر کړئ چې په دې ریپوټ کې د ښځو، نارینه و، د انتخاباتو خپلواک کمیسیون، یوه حقوق پوه، کورنیو چارو وزارت او د ښځو د حقوقو د یوې فعالې نظرونه شامل دي.
جوړوونکې: فرشته غني
