د افغان حکومت او وسله والو طالبانو تر منځ د اوربند له ټینګښت سره د چارو یو شمیر څېړونکي په دې باور دي چې دا پرېکړې ښيي چې د افغانستان د سولې لار موجوده ده چې جګړه په سولې بدلولای شي.
له ډلې یي لیکوال او څېړونکي عبدالغفور لېوال ازادي راډيو ته وویل د دغه موقتي اوربند څخه ټینک ملاتړ او د دوام غوښتنه کولای شي سولې ته د وسله والو طالبانو او حکومت تمایل لا زیات کړي.
له ښاغلي لېوال سره د ازادي راډیو خبریال یوسف ځدراڼ مرکه کړې او په سر کې یې پوښتلی چې د اتو ورځو حکومتي اعلان پر وړاندې د طالبانو د دری ورځنی اوربند اعلان څه سیاسي ارزښت لري؟
