- نيويارک ټايمز
نيويارک ټايمز ورځپاڼې په افغانستان کې د وچکالۍ د ناوړه اغېز په اړه ليکلي دي.
د مقالې لیکوال وايي، افغانستان چې له څو لسيزو راهيسې له ناامنيو او تاوتريخوالي سره مخامخ دی، اوس له وچکالۍ سره هم مخامخ دی.
د ملګرو ملتونو د بشري مرستو د هماهنګ کولو ادارې د نوي راپور له مخې په افغانستان کې د وچکالۍ له کبله دوه میليونه کسان د خوړو له کمښت سره مخامخ دي.
ليکوال لیکي:
فکر نهکوي افغان حکومت دې په داسې حال کې د وچکالۍ د ستونزې حل ته لاسرسی ولري چې سياسي کړکېچونه او پراخه نا امني دوام لري.
نيويارک ټايمز ورځپاڼې په افغانستان کې د هغه کوچني هلک په اړه هم يوه مقاله خپره کړې ده چې پلار یې پرې ډونالد ټرمپ نوم ايښی و.
پهدې مقاله کې راغلي چې د امریکا د ولسمشر تر حد زیاته ستاينه ښايي په امريکا او شمالي کوریا کې ګټه ولري، خو په افغانستان کې دا کار خطرناک او حتی وژونکی ثابت شوی.
مقاله د هغه سړي يادونه کوي چې د امریکا ولسمشر يې دومره ستايه چې پر خپل زوی یې د هغه نوم کېښود.
د کوچني افغان ډونالد ټرمپ پلار اوس وايي چې له افغانستانه تېښتې ته اړ شوی، ځکه هلتهیې ژوند نور خوندي نهدی.
دا درې ورځې وروسته له هغه چې یو افغان سړی طالبانو ځکه وواژه چې د امریکا ولسمشر تهيې له افغانستان سره د مرستې په خاطر د سرو زرو مډال جوړ کړی وو.
- ډي اېن اې
د هندوستان چاپ «ډي. اېن. اې» ورځپاڼې د افغان کرکټ لوبغاړي راشد خان په اړه مقاله خپره کړې ده.
مقاله لیکي چې د هندوستان د کرکټ ټيم پخواني کپټان سارو ګنګولي ويلي، باور لري لیګ سپېنر راشد خان د هندوستان د ملي ټيم پر وړاندې په ټېست لوبه کې مهم رول لوبولای شي.
۱۹ کلن راشد خان د يکشنبې په ورځ د انډين پریمير ليګ په لوبو کې د چنای سوپر کېنګز پر وړاندې خپل ټيم حيدراباد سن رايزرس د ۲۰۱۸ میلادي کال فاينل ته وايست.