د لاسرسي لېنکونه

چهارشنبه ۴ تله ۱۳۹۷ کابل ۰۵:۳۷

چارواکي: په زابل کې وسله والو ۴ پوستې سقوط کړي او ۲۲ پوليس يې وژلي


په زابل کي تېره شپه وسله والو څلور پوستې سقوط کړي او ۲۲ پوليس يې وژلي دي.

د زابل ولایتي شورا وایي، جګړه اوس هم روانه ده او که کومکي ځواکونه ور ونه رسېږي، د دې ولایت یو شمېر ولسوالۍ به سقوط شي.

د زابل د ولایتي شورا رئیس عطاجان حق بيان ازادي راډیو ته وویل چي په دې جګړه کې ۲۲ پوليس وژل شوي او ۷ نور ټپيان دي.

د زابل د ولایتي شورا رئیس همداراز وویل چي د دې ولایت په دايچوپان، مېزانه، ارغنداب او نوبهار ولسوالیو کې هم وسله والو له تېرو دوو اوونیو راهیسي د امنیتي ځواکونو پنځه پوستې سقوط کړي او که مرسته ور ونه رسېږي، ممکن د زابل يو شمېر ولسوالۍ د طالبانو لاس ته ولوېږي.

د زابل امنیتي چارواکي په دې اړه له خبرو کولو ډډه کوي، خو له تېرو څو ورځو راهيسې د زابل امنیه قوماندان جنرال مېرويس نورزی د جګړې د مهارولو لپاره د زابل دايچوپان ولسوالۍ ته تللی دی.

د دولت وسله والو مخالفینو تر اوسه د زابل د تېري شپې د جګړې په اړه تبصره نه ده کړې.

XS
SM
MD
LG