د افغانستان د عامې روغتیا وزارت د څېړنو له مخې په سلو کې۳۰ افغانان تنباکو د سګرېټو، چيلم، قیلون او نسوارو په بڼه کاروي چې د سرطان او نورو بېلا بېلو خطرناکو ناروغیو سبب کېږي.
دا چې نسوار څه ډول اعتیاد دی، معتاد ته پر سرطان سربېره نورې کومي ناروغۍ پېښوي او پر امیدوارو مېندو باندې څه ډول ناوړه اغېزې لري، په دې اړه دازادي راډیو خبریال محمد ایاز ترنک د عامې روغتیا وزارت د غیر ساري ناروغیو د کنټرول له مشر ډاکټر سید حبیب اروال سره مرکه کړې او په پیل کې یې د نسوارو د جوړښت په اړه پوښتلی دی:
