د لاسرسي لېنکونه

سه شنبه ۲۷ وږی ۱۳۹۷ کابل ۱۰:۱۵

اسرائیل: ویشتل شوې ایرانۍ الوتکه پر اسرائیل د برید لپاره لېږل شوې وه


د اسرائیل پوځ وايي، هغې ایرانۍ بې پیلوټه الوتکې چې دوی په تېره فبرورۍ میاشت کې وویشته، پر اسرائیل د برید لپاره استول شوې وه.

د اسرائیل پوځ نن شنبه وویل، استخباراتي څېړنو ښودلې ده چې په دې الوتکه کې چاودېدونکي مواد ځای پر ځای شوي وو.

پوځ وايي، هلیکوپټرونو يې ددې بې پیلوټه الوتکې په غورځولو سره، پر خپله خاوره د ایران د برید مخنیوی کړی دی.

اسرائیل وايي، ایران تر دې وړاندې د لبنان د شیعه وسله والې ډلې حزب الله په واسطه د دغه شان بریدونو هڅه کړې ده.

ایران تر اوسه د اسرائیل د پوځ ددې خبرې په اړه څه نه دي ویلي.

XS
SM
MD
LG