د لاسرسي لېنکونه

دوشنبه ۲۸ لړم ۱۳۹۷ کابل ۰۷:۰۲

روسيې او ایران پر سوريې د امریکا هوايي برید غندلی


روسيې او ایران پر سوريې د امریکا او د هغې د متحدانو فرانسې او برتانيې هوايي برید غندلی دی.

د روسيې ولسمشر ولادمیر پوتین نن شنبه وویل، دا برید د یوه داسې هېواد له ځمکنۍ بشپړتیا سرغړونه ده چې د ترورېزم پر ضد د مبارزې په لومړۍ کرښه کې دی.

پوتین ویلي دي چې مسکو به د دې مسئلې د څېړلو لپاره د ملګرو ملتونو د امنیت د شورا بېړنۍ غونډه راوبولي.

د ایران ستر مذهبي مشر ایت الله علي خامنه يي پر سوريې د امریکا او متحدانو هوايي حمله یو جرم بللی او ویلي يې دي چې دې برید هېڅ اهداف نه دي ترلاسه کړي.

د امریکا ولسمشر بېګاه له سپینې ماڼۍ څخه پر سوريې د هوايي بریدونو اعلان وکړ.

ولسمشر ټرمپ او د امریکا متحدان وايي، دا حمله په سوریه کې د کیمیاوي ګاز د برید په عکس العمل کې شوی دی.

امریکا او لوېدیځ متحدان يې وايي، زیات احتمال شته چې د سوريې حکومت په دوما ښار کې کیمیاوي ګاز استعمال کړي وي.

د سوريي حکومت او روسیه بیا دا ادعا بې بنسټه بولي.

XS
SM
MD
LG