د لاسرسي لېنکونه

چهارشنبه ۲۱ لیندۍ ۱۳۹۷ کابل ۰۱:۵۶

د غزني والي ویاند: په قره باغ کې ۵پولیس وژل شوي


د غزني ولایت سیمه ییز چارواکي وايي چې د یاد ولایت په قره باغ ولسوالۍ کې پر امنیتي پوستو د طالبانو په حمله کې ۵ پولیس وژل شوي دي.

د غزني د والي ویاند محمد عارف نوري د دغه خبر په تائید سره ازادي راډیو ته وویل چې وسله والو طالبانو تېره شپه پر یادو امنیتي پوستو حمله وکړه.

نوموړی وايي چې د یادو بریدونو پرمهال ۹ تنه طالبان هم وژل شوي دي.

دا په داسې حال کې ده چې وړمه شپه هم د دغه ولایت پر خواجه عمري ولسوالۍ د طالبانو په حمله کې د چارواکو د معلوماتو له مخې د ولسوال په ګډون ۱۴ پولیس او دولتي مامورین ووژل شول.

XS
SM
MD
LG