د لاسرسي لېنکونه

یکشنبه ۲ غویی ۱۳۹۷ کابل ۱۰:۵۶

د جوزجان په درزاب کې د یوسف په نوم د داعشانو قوماندان وژل شوی


د جوزجان په درزاب ولسوالۍ کې د داعش د وسله والو یو پېژندل شوی قوماندان، یوسف چې په خنجر مشهور و، وژل شوی دی.

په شمال کې د ۲۰۹ شاهین قول اردو ویاند، محمد حنیف رضايي نن ازادي راډیو ته وویل چې په وروستیو اته څلوېښت ساعتونو کې په درزاب کې د داعش د وسله والو پر ضد په شدیدو عملیاتوکې ۳۳ وسله وال وژل شوي دي.

د رضايي په وینا، په عملیاتو کې د داعش د وسله والو یو پېژندل شوی قوماندان، شبیر زخمي شوی دی.

رضايي وویل چې درزاب ولسوالي بېګا شپه د داعش له وسله والو پاکه شوه.

د افغانستان امنیتي ځواکونو مخکې ویلي و چې په شمالي ولایتونو کې د داعش لوی قوماندان، قاري حکمت وژل شوی دی.

XS
SM
MD
LG