د لاسرسي لېنکونه

سه شنبه ۲۷ وږی ۱۳۹۷ کابل ۰۸:۱۹

پامپیو وايي، له ایران سره اټمي تړون به سم او پیاوړی کړي


د امریکا د بهرنیو چار وزارت ته نوماند مایک پامپیو وايي له ایران سره اټمي تړون به سم او پیاوړی کړي.

پامپیو د «سي. ای. اې» یا د امریکا د مرکزي استخباراتو له مشرۍ د بهرنیو چارو وزارت ته نوماند شوی دی.

ښاغلي پمپیو د امریکا د سنا جرګې د بهرنیو اړیکو په کمېټه کې پرون وویل چې له ایران سره اټمي تړون ترمیموي او که چېرته یې د سمېدو امکان نه و ولسمشر ته به وړاندیز وکړي چې له خپلو متحدینو سره یوې ښې موافقې ته په رسېدو کار وکړي.

د امریکا ولسمشر ډونالد ټرمپ له ایران سره د نړۍ د لویو قدرتونو اټمي تړون شرموونکی او ناسم بللی دی.

هغه د یاد تړون د اصلاح لپاره وخت ټاکلی او ګواښ یې کړی چې د نه سمېدو په صورت کې ترې وځي.

د ۲۰۱۵ کال د دغه تړون په اساس په ایران د اټمي پروګرام په خاطر بندیزونه لرې کېږي او له ایرانه هم د یورانیمو د بډایه کولو او د ګواښوونکو راکټي پروګرامونو د مخنیوي ژمنه اخیستل شوې ده.

XS
SM
MD
LG