د لاسرسي لېنکونه

چهارشنبه ۲۷ چنګاښ ۱۳۹۷ کابل ۰۱:۴۴

ولسمشر غني او د حکومت یو شمېر غړي نن دوشنبه خوست ته ځي


ولسمشر محمد اشرف غني او د حکومت یو شمېر غړي نن دوشنبه خوست ولایت ته ځي.

ټاکل شوې ده چې ولسمشر په خوست کې د هوايي ډګر د ترمینل د بنسټ ډبره کېږدي او د نورو پروژو تر څنګ د برښنا سب سټېشن هم پرانیزي.

د خوست مسؤلینو ویلي چې ولسمشر به د خوستوالو سره د یوې غونډې تر څنګ له بېلابېلو قشرونو سره هم جلا جلا ناستې ولري.

د خوست څخه د ازادي راډیو خبریال وايي چې د ولسمشر د راتګ لپاره په خوست ښار او نږدې سیمو کې کلک امنیتي تدابیر نیول شوي دي او د ښار ځیني سړکونه تړل شوي دي.

ولسمشر غني تېره اوونۍ پکتیا ولایت ته هم سفر درلود.

XS
SM
MD
LG