د لاسرسي لېنکونه

یکشنبه ۲۵ لیندۍ ۱۳۹۷ کابل ۱۰:۵۷

عبدالله عبدالله د ترکیې له صدراعظم سره پر افغان کډوالو خبرې کړي


د افغانستان اجرائيه رئيس وايي، د ترکيې له صدراعظم سره يې نن له دغه هېواد څخه د غير قانوني افغان کډوالو پر ستنېدو خبرې وکړې.

عبدالله عبدالله نن په کابل کې له بن علي يیلدرم سره په يوه خبري کنفرانس کې وويل:

"غير قانوني مهاجرت د هر هېواد لپاره يوه ستونزه ده، هيله من يو زموږ ځوانان او کورنۍ چې له محاسبې پرته له هېواد وځي، ستونزې يې هم په پام کې وساتي، که د امن د ټينګښت په لار کې ځينې اقدامات وشي خپلو هېوادوالو ته ډاډ ورکوو چې د دوى لپاره تر ټولو غوره ځاى د دوى خپل هېواد دى."

د افغانستان اجرائيه رئيس وويل افغانستان ته له ترکيې د جمهور رئيس د اول مرستيال عبدالرشيد دوستم پر ستنېدو هم خبرې شوې دي، خو په دې برخه کې د کومې پرېکړې خبره يې ونه کړه.

د ترکیې صدراعظم نن د کابل او انقرې ترمنځ په امنيتي، اقتصادي او نورو برخو کې د بحث لپاره کابل ته تللى دى.

ښاغلى يیلدرم په داسې حال کې افغانستان ته سفر کوي چې د دغه هېواد د کورنیو چارو وزارت اعلان کړی چې په نېږدې ورځو کې به شاو خوا۶۰۰ غیر قانوني افغان کډوال له ترکيې بېرته کابل ته ولېږي.

XS
SM
MD
LG