د لاسرسي لېنکونه

سه شنبه ۳ تله ۱۳۹۷ کابل ۰۸:۰۸

په هنګري کې پارلماني انتخابات روان دي


په هنګري کې خلک په پارلماني انتخاباتو کې رأيه اچونه پيل کړې ده.

دا ټاکنې به د دغه هېواد د اوسني ښي اړخي صدراعظم ویکټور اوربان قوت معلوم کړي.

ښاغلي اوربان نن یکشنبه سهار د خپلې رأيې تر کارونې وروسته خبريالانو ته وويل:

"موږ د اروپايي ټولنې غړي او ټولو نړيوالو سازمانونو ته وفادار يوو، موږ به د خپل هېواد ګټو ته لومړيتوب ورکړو، ځکه له خپل هېواد سره مينه لرو او د ښې راتلونکې لپاره يې مبارزه کوو."

د اوربان واکمن ملتپال ګوند هیله لري چې په انتخاباتو کې به نېږدې په سلو کې ۵۰ رأیې خپلې کړي.

د هغو نظرپوښتنو له مخې چې تر انتخاباتو مخکې شوې دي، د ښاغلی اوربان ګوند به اکثریت ترلاسه کړي او نوموړی به د درېيمې دورې لپاره صدراعظم شي.

اوربان د مهاجرو مخالف دی.

XS
SM
MD
LG