د لاسرسي لېنکونه

پنجشنبه ۲۹ وږی ۱۳۹۷ کابل ۰۸:۴۵

د جنوبي کوریا پخوانۍ ولسمشره په ۲۴ کلونو بند محکومه شوه


د جنوبي کوریا یوې محکمې پخوانۍ ولسمشره د فساد او له واکه د ناوړه استفادې په قضیه کې په ۲۴ کلونو بند محکومه کړه.

د مرکز سیول مرکزي محکمې نن جمعه پارک ګون-هه د بډې اخېستلو، له واکه د ناوړه استفادې او دولتي اسرارو د افشا کولو په قضیه کې مجرمه وپېژندله.

محکمې دغه راز ۶۶ کلنه پارک ګون-هه ۱۶ عشاریه اته میلیونه ډالر نقدي جریمه کړې ده.

خو د جنوبي کوریا پخوانۍ ولسمشرۍ چې په سیول کې زنداني ده، پر ځان لګیدلي تورونه رد کړي او ټینګار کوي چې دا د سیاسي غچ قرباني ده.

پارک ګون-هه د جنوبي کوریا لومړنی ښځینه ولسمشره وه او د دې هېواد د پخواني جمهور رئیس پارک چونګ هې لور ده چې له ۱۹۶۰نه تر ۱۹۷۹ کاله پورې يې په اوسپنیز سوک د جنوبي کوریا واک چلوه.

نوموړی په ۱۹۷۹ میلادي کال کې ترور شو.

XS
SM
MD
LG