د لاسرسي لېنکونه

دوشنبه ۳ غویی ۱۳۹۷ کابل ۰۱:۵۲

بریتانیا په بحرین کې لومړۍ دایمي اډه پرانېسته


بریتانیا پرون پنجشنبه په بحرین کې د یوې اډې په پرانېستو سره له څلورو لسیزو وروسته په منځني ختیځ کې لومړۍ دایمي اډه پرانېسته.

بریتانیا به د دې اډې په ترلاسه کولو سره د نړیوالې بارچالانۍ په دې مهمه سیمه کې پیاوړی حضور ولري.

د بحرین په مینا سلمان بندر کې د بریتانیا په سمندري پوځي اډه کې به د سلطنتي سمندري ځواکونو شاوخوا ۵۰۰ سرتېري دېره وي.

د بریتانیا د پوځ چارواکي وايي چې بریتانوي ځواکونه به له دې وروسته وکولی شي چې په خلیج کې د اوږدې مودې لپاره پوځي عملیات وکړي او همدا راز د کښتیو لپاره به د انجینرۍ او لوژستیکي ملاتړ خدمات ترسره کوي.

د بریتانیا د پوځي ځواکونو یوه جګپوړي قوماندان ویلي دي چې د بریتانیا هدف په سیمه کې د سمندري امنیت ټینګول کول دي.

په بحرین کې د امریکا د سمندري ځواکونو یوه اډه هم شته.

XS
SM
MD
LG