د لاسرسي لېنکونه

دوشنبه ۴ چنګاښ ۱۳۹۷ کابل ۱۲:۵۵

په ارزګان کې د پولیسو په خپلمنځي نښته کې یوه مېرمن وژل شوې


په ارزګان کې د پولیسو په خپلمنځي نښته کې یوه مېرمن وژل شوې او درې پولیس ټپیان شوي دي.

د ارزګان د ولایتي شورا رئیس امیرخان بارکزي نن جمعه ناوخته ازادي راډيو ته وویل چې د پولیسو تر منځ دا خپلمنځي نښته تېره ورځ د یادې ولسوالۍ په مرکز کې شوې چې تر لفظي شخړې وروسته پولیسو خپل منځ کې پر یو بل د ټوپک خولې ور اړولي او ډزې یې کړي چې پر مهال یې یوه مېرمن په خپل کور کې د یادو پولیسو په مرمۍ لګېدلې او ژوند او ساه یې ورکړې او همداراز درې پولیس ټپیان شوي دي.

د چورې ولسوال امین الله خالقي بیا وايي، د سیمه اییزو او ملي پولیسو ترمنځ دې خپلمنځي جګړه کې یوه مېرمن وژل شوې او یوازې یو پولیس ټپي شوی چې د پېښې عاملین نیول شوي دي.

د یادونې وړ ده چې له دې وړاندې هم په یاده ولسوالۍ کې د افغان ملي اردو ځواکونو له پولیسو سره نښته کړې وه چې پر مهال یې دواړو لورو ته مرګ ژوبله هم اوښتې وه.

XS
SM
MD
LG