د لاسرسي لېنکونه

چهارشنبه ۳۰ غبرګولی ۱۳۹۷ کابل ۰۸:۱۳

دفاع وزارت: په تېرو ۲۴ساعتونو کې ۲۸وسله وال مخالفین وژل شوي


د افغانستان دفاع وزارت وايي، د هېواد په بېلابېلو برخو کې د پوځي عملياتو په نتيجه کې د دولت ٢٨ وسله وال مخالفین وژل شوي دي.

دغه وزارت وايي، دغه شمېر وسله وال په تېرو ٢۴ ساعتونو کې په ننګرهار، غزني، پکتيکا، لوګر، کندهار، فراه، تخار، فارياب، نيمروز او هلمند ولايتونو کې وژل شوي دي.

دفاع وزارت وايي په دې موده کې ١٣ تنه نور وسله وال ټپيان شوي هم دي.

دغه وزارت نن سهار په يوه اعلاميه کې ويلي، په دغو تعرضي او تهاجمي عملياتو کې د دولت د وسله والو مخالفینو ځينې وسايط او تجهيزات هم له منځه وړل شوي دي.

د دولت کومې مخالفې ډلې په دې اړه تبصره نه ده کړې.

XS
SM
MD
LG