د لاسرسي لېنکونه

شنبه ۵ کب ۱۳۹۶ کابل ۰۳:۰۸

عاصمه جهانګیر په لاهور ښار کې خاورو ته وسپارل شوه


د پاکستان د بشري حقونو مدافع او وکیله عاصمه جهانګیر نن سې شنبه په لاهور ښار کې خاورو ته وسپارل شوه.

مېرمن جهانګیر د زړه د سکتې له امله د ۶۶ کلنې په عمر د تېرې یکشنبې په ورځ مړه شوه.

د لاهور ښار د قذافي په ستډیوم کې د مېرمن جهانګیر د جنازې په مراسمو کې د هغې د کورنۍ د غړو، ملګرو، وکیلانو، سیاستوالو، روڼ اندو او د بشري حقونو د فعالانو په ګډون، زرګونه کسانو ګډون کړی و.

جهانګیر چې په پاکستان کې دننه او په نړیواله سطحه د بشري حقونو یوه مخکښه څېره ګڼل کېده، د ۱۹۸۰ کلونو په موده کې د مبارزې په خاطر زنداني شوې هم وه.

هغه د پاکستان د بشري حقونو د کمېسیون یوه بنسټ ایښودونکې او د پاکستان د سترې محکمې د وکیلانو د اتحادیې مشره وه.

له مېرمن جهانګیر دوه لوڼې او یو ځوی پاتې دي.

XS
SM
MD
LG