د لاسرسي لېنکونه

سه شنبه ۳ تله ۱۳۹۷ کابل ۰۷:۲۳

د شمالي کوریا رهبر د جنوبي کوریا ولسمشر ته بلنه ورکړې


د شمالي کوریا رهبر کیم جونګ اون د جنوبي کوریا ولسمشر مون جې این ته بلنه ورکړې چې په لنډ راتلونکي کې پیونګ یانګ ته ورشي.

دا خبره د ښاغلي مون دفتر نن شنبه کړې ده.

د جنوبي کوریا د ولسمشر ویاند ویلي چې د شمالي کوریا د ولسمشر خور کیم یو جونګ چې د پیونګ چانګ په ژمنیو المپیک لوبو کې د ګډون لپاره جنوبي کوریا ته تللې، د ښاغلي مون په دفتر کې هغه ته د خپل ورور د شخصي بلنې په اړه وویل.

دغه ویاند په یوه خبري غونډه کې زیاته کړه چې مون وړاندیز وکړ چې دواړه کوریاوي باید د دې بلنې د منلو لپاره داسې شرایط رامنځته کړي چې اړین دي.

که داسې وشي، نو دا به په تېرو ۱۰ کلونو کې لومړی ځل وي چې د دواړو کوریاوو مشران سره ګوري.

تر دې وړاندې په ۲۰۰۷ کال کې د جنوبي کوریا د هغه مهال ولسمشر د شمالي کوریا له پخواني رهبر او د کیم یونګ اون له پلار سره ولیدل.

XS
SM
MD
LG