د لاسرسي لېنکونه

پنجشنبه ۲۵ زمری ۱۳۹۷ کابل ۰۸:۴۰

خطیبي: په هرات کې د ښځو سوداګریز فعالیتونه ښه شوي


د هرات ولایت د سوداګرۍ او صنایعو خونې په دغه ولایت کې د ښځینه سوداګرو د وضعیت د ښه والي خبره کوي.

د دغه خونې رئیس سعد خطیبي نن ازادي راډیو ته وویل چې په هرات کې ښځې د عسلو، مربا او د زعفرانو د کښت او تولید ترڅنګ په لاسي صنایعو هم بوختې دي.

ښاغلی خطیبي وايي، د هرات ولایت د ښځینه سوداګرو لخوا تولید شوي زیاتره توکي له هېواده بهر په هندوستان، ترکمنستان، ازبکستان او په کور دننه نندارې ته وړاندې او پلورل شوي دي.

د ده په خبره، که حکومت په هرات ولایت کې د ښځینه سوداګرو په وړاندې يو شمېر پرتې ستونزې هوارې کړي نو د دوی په وضعیت کې به لا ښه والي راشي.

XS
SM
MD
LG