د لاسرسي لېنکونه

چهارشنبه ۲ غبرګولی ۱۳۹۷ کابل ۰۹:۱۴

چارواکي: په غزني کې هوايي بریدونو ۵ وسله‌وال طالبان وژلي


د غزني ولایت سیمه‌ییز چارواکي وايي، د دغه ولایت په ګېلان ولسوالۍ کې د بهرنیو ځواکونو د هوايي بریدونو پر مهال، ۵ وسله‌وال طالبان وژل شوي.

د والي ویاند محمد عارف نوري نن چهار شنبه ازادي راډيو ته وویل چې بهرنیو ځواکونو دغه بریدونه نن سهار شااوخوا ۵ بجې د دغه ولایت د ګېلان ولسوالۍ اړوند دایره سیمه کې د وسله‌والو طالبانو پر یوه جوړه شوې غونډه کړي دي.

نوموړی وايي چې په وژل شویو کې د وسله‌والو طالبانو یو مهم قوماندان هم شامل دی.

وسله‌والو طالبانو تر اوسه په دې اړه رسنیو ته څه نه‌دي ویلي.

XS
SM
MD
LG