د لاسرسۍ وړ لېنکونه

تازه خبر
چهارشنبه ۹ غبرګولی ۱۴۰۳ کابل ۰۱:۰۷

نړۍ

د ایران د ولسمشر دفتر ته یو ننوتونکی سړی له چړې سره ونیول شو

د ایران د جمهوري ریاست د دفتر ساتونکو نن دوشنبه پر یوه سړي چې لویه چاړه ورسره وه او هڅه‌یې کوله چې د ولسمشر دفتر ته ننوځي، ډزې وکړې.

امنیتي ځواکونو هغه په پښه ویشتی دی.

د ایران رسمي خبري اژانس ایرنا د جمهوري ریاست د امنیت د مرستیال په حواله ویلي چې ویشتل شوی سړی ۳۵ کلن دی او روغتون ته لېږدول شوی دی.

د هغه هدف لا نه‌دی څرګند او د روغتیايي وضعیت په اړه‌یې نور جزئیات نه‌دي څرګند شوي.

دا هم نه‌ده معلومه چې د پېښې پر وخت د ایران جمهور رئیس حسن روحاني د خپل کار په دفتر کې و که نه.

د یو شمېر ایراني رسنیو په حواله، له حمله کوونکي سره یوه لویه چاړه یا توره وه او سپینه عبا یې غالباً د ځان قربانولو ته د تیاري څرګندولو د سمبول په توګه اغوستې وه.

د ورځې تازه خبرونه دلته ولولئ

هسپانیا او ناروې فلسطین په رسمیت وپېژنده، ایرلنډ به هم نن دا کار وکړي

هسپانیا تېره اوونۍ د فلسطین د په رسمیت پېژندلو اعلان کړی و
هسپانیا تېره اوونۍ د فلسطین د په رسمیت پېژندلو اعلان کړی و

هسپانیا او ناروې نن فلسطیني دولت په رسمیت وپېژنده او تمه ده چې ایرلنډ به هم ورته اقدام وکړي.

د اروپا دا درې هېوادونه باور لري چې د دوی نوښت به یو لوی سیمبولیک اثر ولري او ښايي نور هېوادونه وهڅوي چې فلسطیني دولت په رسمیت وپېژني.

په دې ترڅ کې دوی د اسراییلو او فلسطینیانو ترمنځ د سولې په خبرو کې د ناروې او هسپانیا د تاریخي ونډې یادونه کوي.

دا پرېکړه ښايي په غزه کې پر روانه جګړه اغېز ونه کړي خو تمه ده چې پر تل ابیب به نړیوال فشار زیات کړي څو په غزه کې د حماس ډلې پرضد په ځوابي عملیاتو کې نرموالی راولي.

امریکا او اروپايي ټولنه حماس د یوې تروریستي ډلې په توګه پېژني.

اسراییلو نن بیا د غزې په جنوب کې هوایي او ځمکني عملیات وکړل

د عملیاتو له امله د خلکو بې کوره کېدل
د عملیاتو له امله د خلکو بې کوره کېدل

اسراییلو نن یوځل بیا د بمباریو او ټانکونو په ملاتړ د غزې په جنوب کې پوځي عملیاتو ته دوام ورکړ.

حماس چې امریکا او اروپايي ټولنه یې د تروریستي ډلې په توګه پېژني ویلي چې په بېګانیو بمباریو کې لږترلږه ۱۶ کسان وژل شوي دي.

د سیمې اوسېدونکو ویلي دي چې بېګانۍ شپه ډېره سخته پرې تېره شوه.

دا په داسې حال کې ده چې نړیوالو په رفح کې د هغه برید له کبله چې په نتیجه کې یې د بېځایه شویو کډوالو په خېمه کې اور ولګېد او لږترلږه ۴۵ کسان یې ووژل اسراییل په کلکه غندلی دی.

د نړۍ مشرانو د ملګرو ملتونو د نړیوالې محکمې د هغه حکم پر عملي کېدو ټینګار وکړ چې په رفح کې د اسراییلو د پوځي عملیاتو د سمدستي بندېدو غوښتنه کوي.

د اوکراین او بلجیم چارواکو ۱۰ کلن امنیتي تړون لاسلیک کړ

د تړون له لاسلیک وروسته
د تړون له لاسلیک وروسته

د اوکراین ولسمشر ولودیمیر زیلینسکي او د بلجیم صدراعظم الکساندر دې کرو نن د خپلو هېوادونو ترمنځ لس کلن امنیتي تړون لاسلیک کړ.

زیلینسکي پر خپله ایکس پاڼه لیکلي چې د دې موافقې له مخې بلجیم اوکراین ته په سږني کال کې څه باندې یو میلیارد ډالره پوځي مرسته برابروي.

هغه همداراز یادونه کړې چې بلجیم به تر ۲۰۲۸ کاله اوکراین ته ۳۰ اف شپاړس F-16 ډوله جنګي جټ الوتکې ورکړي.

د زیلینسکي په وینا د دې الوتکو لومړۍ جوپه به په سږني کال کې اوکراین ته وسپارل شي.

ښاغلي زیلینسکي پرون په مادرید کې د اسپانیا له صدراعظم پیدرو سانچز سره هم ورته تړون لاسلیک کړ.

د دې تړون له مخې، هسپانیا له اوکراین سره څه باندې یو میلیارد ډالره پوځي مرسته کوي.

د اوکراین ولسمشر او د بلجیم صدراعظم نن دوه اړخیز امنیتي تړون لاسلیکوي

د اوکراین ولسمشر او د بلجیم صدراعظم
د اوکراین ولسمشر او د بلجیم صدراعظم

ټاکل شوې چې د اوکراین ولسمشر ولودیمیر زیلینسکي او د بلجیم صدراعظم الکساندر دې کرو نن د خپلو هېوادونو ترمنځ دوه اړخیز امنیتي تړون لاسلیک کړي.

زیلینسکي او دې کرو به همداراز د بلجیم له هغې هوايي اډې څخه لیدنه وکړي چې د F-16 الوتکو اوکرایني پیلوټان پکې روزل کېږي.

ښاغلي زیلینسکي پرون په مادرید کې د اسپانیا له صدراعظم پیدرو سانچز سره هم ورته تړون لاسلیک کړ.

د دې تړون له مخې، هسپانیا له اوکراین سره څه باندې یو میلیارد ډالره پوځي مرسته اعلان کړه.

پاکستان کې سخته ګرمي؛ سند کې تودوخه ۵۲ درجې ته رسېدلې

ارشیف
ارشیف

د پاکستان په جنوبي ایالت سند کې د ګرمۍ څپه راغلې او هلته د حرارت درجه تېرو ۲۴ ساعتونو کې له ۵۲ سانتي ګرادو څخه لوړه شوې ده.

د رویټرز خبري اژانس په وینا، د اقلیمي بدلون له کبله دغه ګرمي د ریکارډ کچې ته نژدې ده.

پخوا تر دې د سند په موهنجو دارو ښار کې د اوړي پر مهال چې لا هم شاوخوا میاشت وخت ورته پاتې دی، د حرارت درجه تر ۵۴ سانتي ګرادو پورته شوې ده.

د ګرمې هوا له کبله دغلته بازارونه ساړه شوي او خلک رستورانونو او نورو عامه ځایونو په په اسانه نه ځي.

هسپانیا اوکراین سره نږدې ۲ میلیارده یورو مرسته کوي

اوکرایني ځواکونه د روسیې د برید پر وړاندې د جګړې لومړۍ کرښه کې
اوکرایني ځواکونه د روسیې د برید پر وړاندې د جګړې لومړۍ کرښه کې

اوکراین او هسپانیې د څه باندې یو میلیارد یورو په ارزښت امنیتي تړون لاسلیک کړ.

د اوکرایین د ولسمشر ولودیمیر زیلینسکي او د هسپانیا د صدراعظم پیدرو سانچز ترمنځ پرونۍ موافقې له مخې دغه هېواد به له اوکراین سره سږ کال د یو میلیارد اته سوه ملیون یورو په ارزښت پوځي مرستې وکړي.

د اوکراین ولسمشر د هسپانیې له صدر اعظم سره په یوه ګډه خبري غونډه کې د دغه تړون د لاسلیک اعلان وکړ.

ولادیمیر زیلینسکي پرون مادرید ته ورسېد.

امنیت شورا پر رفح د اسراییل د عملیاتو په اړه نن بېړنۍ غونډه کوي

ارشیف
ارشیف

ټاکل شوې د ملګرو ملتونو امنیت شورا نن سه شنبه د غزې په جنوبي ښار رفح کې له وروستي خونړي برید وروسته وضعیت په اړه بېړنۍ غونډه وکړي.

د جرمني ( ډي.پي.اې) خبري اژانس د دیپلوماتانو په حواله پرون دوشنبه ویلي چې د دغې بېړنۍ غونډې غوښتنه د الجزایر له خوا وشوه او سلوینیا یې ملاتړ وکړ.

د غزې د عامې روغتیا وزارت ویلي چې په رفح کې د بې ځایه شویو کسانو پر خېمو د اسراییلو د یکشنبې ورځې په برید کې لږ تر لږه ۴۵ کسان وژل شوي او لسګونه نور ژوبل دي.

بل لورته د اسلامي همکاریو سازمان پر خپله ایکس پاڼه یوه اعلامیه کې دغه برید " جنګي جنایت" بللی او له ملګرو ملتونو یې غوښتي چې خپل مسولیت ترسره کړي.

د اسراییلو صدراعظم دا برید یوه غمجنه پېښه بللې او د څېړنو د پيل ژمنه یې کړې.

ایران د یورانیمو زېرمه کول تسلیحاتي سطحې ته لوړ کړي

ارشیف
ارشیف

د اټومي انرژۍ د نړیوالې ادارې (IAEA) د یوه محرم راپور له مخې، ایران د خپلو غني شویو یورانیمو زېرمه تسلیحاتي درجې ته نږدې کړې ده.

د دغه راپور له مخې چې پرون دوشنبه (د مې ۲۷مه) خپور شو، د ایران د غني شویو یورانیمو زېرمه چې ۶۰ سلنه خالصیت لري اوس ۱۴۲.۱ کیلوګرامه دي.

دا اندازه د فبرورۍ په میاشت کې د څارونکو د وروستي راپور په پرتله څه باندې شل کیلوګرامه ډېره شوې.

د اټومي انرژۍ نړیوالې ادارې دا هم ویلي چې د می په ۱۹مه د یوې هلیکوپټرې د غورځېدو په پېښه کې د ایران د ولسمشر او د بهرنیو چارو وزیر وژل کېدو د ملګرو ملتونو د اټومي څار ادارې او تهران ترمنځ د همکارۍ د ښه کولو په اړه خبرې وځنډولې.

د اوکراین یوې بې پیلوټه الوتکې د روسیې پر رادار سیستم برید کړی

ارشیف
ارشیف

د اوکرایین د پوځي استخباراتو یوه چارواکي ازادې اروپا راډیو ته ادعا کړې چې په یوه ډرون سره یې د روسیې د رادا د خبرداریو سیستم هدف ګرځولی.

دا له کله چې روسیې پر اوکرایین غیرموجه برید پيل کړی د روسیې خاورې دننه د اوکرایین تر ټولو ژور برید بلل کېږي.

د روسیې وورونيژ-ام د خبرداریو د رادار سیستم د قزاقستان پولې ته نږدې پروت دی او ډرون شاوخوا اتلس سوه کیلومتره لار وهلې څو یې دا رادار سیستم ویشتلی دی.

د روسیې چارواکو سمدستي د دې برید د ادعا په اړه څه نه دي ویلي.

تېره اوونۍ هم اوکراییني چارواکو ادعا وکړه چې د روسیې په جنوب لویدیځ کراسندور کې یې د رادا تاسیسات هدف ګرځولي.

خیبرپښتونخوا کې پوځي عملیات؛ چارواکي: ۷ سرتېري او ۲۳ وسله‌وال وژل شوي

په خیبرپښتونخوا کې د پوځي عملیاتو یو انځور
په خیبرپښتونخوا کې د پوځي عملیاتو یو انځور

د پاکستان امنیتي چارواکي وايي، د خیبرپښتونخوا په څو سیمو کې یې پوځي عملیات کړي چې په نتیجه کې یې ۷ سرتېري او ۲۳ تنه وسله‌وال وژل شوي دي.

د پاکستان پوځ نن په یوه بیان کې وویل لومړۍ نښته نن نیمه شپه د پېښور په لمنو کې وشوه چې په ترڅ کې یې ۶ وسله‌وال او د پوځ ۲ سرتېري ووژل شول.

د بیان له مخې دوهمه جګړه نن په ټانک سیمه کې د پوځ د عملیاتو پرمهال وشوه چې په نتیجه کې یې ۱۰ وسله‌وال ووژل شول او په خیبر دره کې په یوه بله نښته کې ۷ تنه وسله‌وال او ۵ سرتېري ووژل شول.

د پوځ په بیان کې د دې نښتو په اړه نور جزییات نه دي ورکړل شوي، خو په دې سیمه کې د پوځ په پخوانیو عملیاتو کې ترډېره د پاکستاني طالبانو د تحریک یا "ټي‌ټي‌پي" TTP وسله‌وال په نښه شوي دي.

نور راوښيه

XS
SM
MD
LG