د لاسرسي لېنکونه

جمعه ۲۷ تله ۱۳۹۷ کابل ۰۴:۱۳

امریکا د حزب الله ډلې پر ځينو همکارو شرکتونو بندیزونه ولګول


د امریکا متحدو ایالتونو پر شپږو کسانو او اوو هغو تجارتي شرکتونو بندیز ولګاوه چې د لبنان له حزب الله ملېشه ډلې سره ارتباط لري.

د امریکا خزانې وزیر سټیفن منوچین پرون وویل، دا بندیزونه پر حزب الله ډلې د راتلونکي کال د وارېدونکو فشارونو لومړۍ څپې دي.

منوچین زیاته کړه چې د هغو شبکو پرضد به په ټوله نړۍ کې سختې هلې ځلې وشي چې حزب الله ډلې ته مالي امکانات برابروي.

حزب الله یو پوځي او سیاسي ګوند دی چې د لبنان په پارلمان کې هم استازي لري او د ایران متحد دی.

د امریکا متحدو ایالتونو او یوشمېر سني عرب هېوادونو دا ګوند په سیمه کې د ترهګرو په ملاتړ تورن کړی دی.

XS
SM
MD
LG