د لاسرسي لېنکونه

چهارشنبه ۲ غبرګولی ۱۳۹۷ کابل ۰۹:۲۱

د کندهار په سپین‎بولدک کې ۳۵۶ کېلو ګرامه نشه‎يي مواد ونیول شول


د کندهار ولایت د معتادینو روغتون ته نږدې ۳۵۶ کېلو ګرامه نشه‎يي مواد ونیول شول.

د کندهار د امنیه قوماندانۍ له نشه‎يي موادو سره د مبارزې مدیر سمونوال ولي شاه د چهارشنبې په ورځ ازادي راډیو ته وویل، سرحدي ځواکونو د کندهار په سپین‎بولدک کې د معتادینو روغتون ته نږدې ۳۵۶ کېلو ګرامه تاریاک ونیول.

دی وايي:

"۳۵۶ کېلو ګرامه تاریاک چې د مېوې په کرېټونو او د کشمشو په بوجیو کې ځای پر ځای شوي وو او پاکستان ته قاچاق کېدل، د شپې د ګزمې پر مهال د سرحدي پولیسو د کمي‌سارۍ له‎خوا نیول شوي دي."

د یادونې وړ ده چې په سپین‎بولدک ولسوالۍ کې یو بل تن هم د نشه‎يي موادو د قاچاق په تور نیول شوی چې ۲۰ ګرامه هیروئین او ۶۰ ګرامه شیشه یا کرسټال ورسره وو.

XS
SM
MD
LG