د لاسرسي لېنکونه

چهارشنبه ۲۴ زمری ۱۳۹۷ کابل ۰۹:۱۲

روحاني: د مذهبي مشرتابه ملاتړ ته به دوام ورکړو


د ایران ولسمشر حسن روحاني وايي، د ایران خلک به له بهرنیو فشارونو سره سره د مذهبي مشرتابه ملاتړ ته دوام ورکړي، خو هغه ټینګار وکړ چې د دې هېواد مشرتابه هم باید په ایران کې د اعتراضونو د وروستۍ څپې ته هم غوږ ونیسي.

روحاني د امریکا د ولسمشر ډونالد ټرمپ د تېرې شپې له وینا څو ساعته وروسته دا څرګندونې وکړې.

ټرمپ په خپله وینا کې وویل چې امریکا د ایران د فاسدو دکتاتورانو په وړاندې د دې هېواد له خلکو سره ولاړه ده.

ټرمپ زیاته کړه:

"کله چې د ایران خلکو د فاسدو دکتاتورانو د جنایتونو پر ضد پاڅون وکړ، زه غلی پاتې نه‌شوم، امریکا د ایران له خلکو سره د ازادۍ لپاره په زړوره مبارزه کې د هغو ترڅنګ ولاړه ده."

خو روحاني چې تهران ته نږدې د اسلامي جمهوريت د مؤسس آیت‌الله خمیني مقبرې ته تللی و، په خپله وینا کې وویل، تر هغه وخته چې د ایران خلک د اسلامي کلچر او د هېواد د یووالي پالنه کوي هېڅ زبرځواک د دوی تګلاره نه‌شي بدلولای.

XS
SM
MD
LG