د لاسرسي لېنکونه

دوشنبه ۳۰ سلواغه ۱۳۹۶ کابل ۰۲:۳۲

په بلخ کې د دوو خپلسرو وسله والو ډلو ترمنځ نښته شوې


په مزارشریف ښار کې د استوګنې په یوه ښارګوټي کې نن یکشنبه د دوو خپلسرو وسله والو ډلو ترمنځ نښته شوې.

په بلخ کې د ازادي راډیو خبریال راپور راکوي چې د ولسي جرګې د غړي عباس ابراهیم زاده په ښارګوټي کې د نوموړي د ګاردانو او نامعلومو وسله والو ترمنځ نښته اوس هم روانه ده او دواړه خواوې پر پولیسو هم ډزې کوي.

د بلخ یوه امنیتي چارواکي د خپل نوم د نه ښودلو په شرط ازادي راډیو ته وویل چې دا نښته د ولسي جرګې د غړي عباس ابراهیم زاده او د مشرانو جرګې د غړي محمدعباس اخلاقي د غیرمسؤلو وسله والو ترمنځ شوې ده.

د دې نښتې د تلفاتو په اړه تر دې دمه معلومات نشته.

XS
SM
MD
LG