د لاسرسي لېنکونه

شنبه ۵ کب ۱۳۹۶ کابل ۰۰:۲۰

ارګ د وروستیو پېښو قربانیانو ته د درناوي په خاطر ملي ماتم اعلان کړ


د افغانستان جمهوري ریاست په کابل او یوشمېر ولایتونو کې د وروستیو ترهګريزو بریدونو قربانيانو ته د درناوي په خاطر د حکم په صادرولو سره نن یکشنبه ملي ماتم اعلان کړ.

ارګ ماڼۍ ویلي له همدې امله به په هېواد کې او له هېواده بهر په سیاسي نمایندګیو کې د افغانستان بیرغ نېمه ځوړند وي.

د ارګ په دغه بیان کې راغلي، د قربانیانو کورنیو او ټپیانو ته د ښې رسیدګۍ په هدف سبا یوازې په کابل کې عمومي رخصتي اعلانوي.

همدارنګه به بل سبا یعني د سې شنبې په ورځ په ټول هېواد کې د وروستیو تروریستي پېښو قریانیانو روح ته د دعا په خاطر د عظیم الشان قران د ختم مراسم پر ځای شي.

دا په داسې حال کې ده چې تېره ورځ په کابل کې موټر بم حملې سلګونو تنو ته مرګ ژوبله واړول.

XS
SM
MD
LG