د لاسرسي لېنکونه

یکشنبه ۲۹ تله ۱۳۹۷ کابل ۰۲:۱۵

لغمان کې یو وسله وال قوماندان له خپلو ۷ ملګرو سره وژل شوی


د لغمان لپاره د وسله والو مخالفینو د امرباالمعروف مشر او مشهور قوماندان فضل الغفار له ۷ تنو نورو مخالفینو سره یو ځای ووژل شو.

د لغمان د والي ویاند سرحدي ځواک ددغه خبر په خپرولو سره رسنیو ته په استول شوي پیغام کې وویل:

"افغان کومانډو ځواکونو تېره شپه د الینګار ولسوالۍ اړوند د سنګره او کلمان درو تر منځ د کشرده کا په سیمه کې د وسله والو مخالفینو د ځپلو او له منځه وړلو په موخه ځانګړي عملیات تر سره کړي چې په دغو عملیاتو کې یې د لغمان لپاره د وسله والو مخالفینو د امر باالمعروف مشر او مشهور سیمه ییز قوماندان فضل الغفار له خپلو ۷ ملګرو سره یو ځای وژلی دی."

د ښآغلي ځواک په خبره، په دې عملیاتو کې افغان کومانډو ځواکونو پنځه تنه مشکوک کسان له ځانه سره بیولي دي.

افغان چارواکي وایي، په دې عملیاتو کې افغان امنیتي ځواکونو ته زیان نه دی رسېدلی.

XS
SM
MD
LG