په جلال اباد کې د ماشومانو د ملاتړ پر ادارې یا سیف د چلډرن د وسله وال برید وروسته دغې ادارې په افغانستان کې په موقت ډول خپل فعالیتونه درولي دي.
له دې مخکې سره صلیب هم د افغانستان په شمال کې څه موده وړاندې د دې مرستندویه ادارې پر کارکوونکو له حملې وروسته ورته اقدام کړی و.
دغه راز د یکشنبې په ورځ د کابل په انټرکانټیننټال هوټل په برید کې لږترلږه ۱۴ بهرنیان چې اکثره یې د کام ایر افغان خصوصي شرکت اوکرایني کارکوونکي وو، ووژل.
پر بهرنیو مرستندویو ادارو حملې یا په حملو کې د بهرنیو کارکوونکو وژل کېدل به څومره په افغانستان کې د دوی پر کارونو اغېز وکړي؟
دا پوښتنه نوریاس نوري د مرکې په پیل کې د سیاسي چارو له کارپوه فاروق بشر څخه کړې.
د دې مرکې د اورېدو لپاره لاندې لېنک کېکاږئ:
