د لاسرسي لېنکونه

شنبه ۵ کب ۱۳۹۶ کابل ۰۰:۳۲

امان: یو ګډ کمېسیون د انټرکانټیننټال هوتل پېښه څېړي


د افغانستان د کورنیو چارو وزارت له ترورېزم سره د مبارزې ریاست وايي، پر انټرکانټیننټال هوټل د حملې د څېړلو لپاره د دغه ریاست او د ملي امنیت د عمومي ریاست د متخصصینو یوه ګډ کمېسیون، جدي څېړنې او پلټنې پیل کړي دي.

د دې وزارت له ترورېزم سره د مبارزې رئیس نجیب امان نن ازادي راډیو ته وویل چې د کمېسیون هڅه به داوي چې د دغې حملې اصلي عاملین پیدا او هغوی عدالت ته راوکاږي.

ښاغلي امان ژمنه وکړه چې د دغه پلټونکي کمېسیون نتیجې به له بشپړېدو وروسته له خلکو سره شریکې شي.

دا هغه ژمنه ده چې له دې مخکې هم په افغانستان کې د ډېرو خونړیو حملو د څېړنو په اړه شوي چې ډېر ځلې نه ده پرځای شوي.

پرانټر کانټیننټال هوټل په وروستۍ حمله کې چې مسؤلیت یې وسله والو طالبانو په غاړه اخیستی، لږترلږه ۲۲ تنه وژل شوي دي.

XS
SM
MD
LG