د لاسرسي لېنکونه

پنجشنبه ۲۵ زمری ۱۳۹۷ کابل ۰۱:۳۹

د ماليې وزارت او کابل کې د امریکا سفارت یو تړون لاسلیک کړ


په کابل کې د افغانستان د ماليې وزارت او امریکا متحده ایالاتو د سفارت ترمنځ د ۱۰۰ میلیونه ډالرو په ارزښت د نوې پراختیايي مشارکت تړون لاسلیک شو.

د افغانستان د ماليې وزیر په ارګ کې په دې اړه جوړو شویو مراسمو ته وویل چې دغه پیسې به د افغانستان د ملي بودجې له لارې په يو شمېر زېربنايي پروژو کې ولګول شي.

اکلیل حکیمي په‎دې اړه وویل:

"نن موږ د ۱۰۰ میليونه ډالرو په ارزښت د یوه تړون د لاسلیک شاهدان یو چې اصلي هوکړه‌يې په ۲۰۱۵ میلادي کال کې کله چې زموږ ولسمشر واشنګټن ته سفر لاره، دغه هوکړه د نوي پراختیايي مشارکت په نوم هلته لاسلیک شو چې له مخې یې هر کال ۲۰۰ میليونه ډالره د افغانستان بودجې ته راځي."

د مالیې وزارت وایي، دا مرستې به لومړیتوبونو ته په کتو د ټرانسپورت، برښنا، پوهنې او په يو شمېر نورو بسټیزو برخو کې ولګول شي.

په کابل کې د امریکا متحده ایالاتو سفیر جان باس د دغه تړون د لاسلیک پر مهال د افغانستان د حکومت سره د دوامداره همکاریو ژمنه وکړه.

XS
SM
MD
LG